Transcription
1
Monsieur de Gordes vous esrivant Monseigneur et ayant faict
2
Expedier ses lettres de sauvegarde et aultres en faveur du sieur
3
Du Gua pour la conservation de ses maisons et de ses beaufreres,
4
jay bien voulu pour laffection et bonne volonte que je luy porte
5
et pour ses vertus et bons merites, accompagner la despesche
6
de la presente pour vous prier encores bien affectueusement
7
lavoyr de ma part et sesdits beaufreres, leurs femmes, enfans,
8
famille, biens et maisons en singulière protection et recommendation,
9
vous asseurant que oultre que vous satisferez en cela à lintention
10
de leurs majestez et de mondit seigneur et obligerez à vous ces gentilhommes,
11
je tiendray le support et faveur quilz recepvront de vous
12
en cest endroict comme sil estoit faict à moy mesmes pour le recognoistre,
13
et men revanger là où il vous plaira memployer, qui sera
14
daussy bon cueur que me recommendant à voz bonnes graces très affectueusement,
15
je suplie le Createur vous donner, Monsieur de Gordes,
16
heureuse et longue vie. De Paris, ce XIIme octobre 1572
17
Votre meilleur et plus affectionné
18
Amy
19
H. d’Angoulesme
20
21